Коронавирусга чалинган аёл соғлом фарзандни дунёга келтирди
Ички ишлар тизимида хизмат қилаётган юртдошимиз таҳририятимизга мактуб йўллабди. Мактубда айтилишича, у доимо халқ орасида юргани учун коронавирус инфекциясини юқтириб олган ва шифохонага жойлаштирилган.
Орадан бир кун ўтгач, унинг турмуш ўртоғида ҳам касаллик аломатлари аниқланган. Саккиз ойлик ҳомиласи бўлган турмуш ўртоғи ҳам шифохонага ётқизилган. Шу аёл 24 август куни фарзандини дунёга келтирган.
“Кейинчалик билишимча, бу СOVID-19 билан касалланган ота-онадан туғилган биринчи соғлом чақалоқ экан ” дейилади ИИБ ходимининг мактубида.
Биз Андижон вилояти соғлиқни сақлаш бошқармаси билан боғланиб, ўша чақалоқнинг соғлиғи ҳақида сўрадик. Бошқарма раҳбарияти чақалоқнинг чиндан ҳам коронавирус аломатларисиз туғилганини тасдиқлади.
Андижон | Kun.uz
